لودھراں نا ملتان ۔ بہاولپور کی قسمت کھل گئی ۔ عمران خان کا بڑا فیصلہ

)جنوبی پنجاب صوبہ علاقہ کی عوام کا دیرنیہ مطالبہ چلا آرہا ہے جس کا وعدہ ہر حکومت کرتی آئی ہے تحریک انصاف نے اب اس کو عملی جامعہ پہنانے کیلئے بڑا فیصلہ کیا ہے اور لودھراں یا ملتان کی بجائے بہاولپور کو جنوبی پنجاب صوبہ کا دارلحکومت بنانے کا فیصلہ کیا گیا ہے اور یہاں پر وزیر اعلی سیکریٹریٹ قائم کیا جائے گا جس کے دورس نتائج برآمد ہونگے کیونکہ بہاولپور ماضی میں بھی صوبہ رہ چکا ہے اور اگر اب لودھراں یا ملتان کو مرکزی حثیت نئے صوبے میں دی جاتی تو لازما بہاولپور اپنی بحالی کی جانب پیش رفت کرتا یوں اس فیصلہ سے بہاولپور کو بھی آمادہ کرنے کی کوشش کی گئی ہے 

 وزیراعظم عمران خان سے آج جنوبی پنجاب کے اراکین اسمبلی نے ملاقات کی جس کے دوران بہاولپور میں وزیراعلیٰ سیکرٹریٹ بنانے کا فیصلہ کیا گیا۔ جنوبی پنجاب سیکرٹریٹ‌ کیلئے ساڑھے 3ارب روپے کے فنڈز مختص کئے جائیں گے تاکہ عوام کو ریلیف  سکے  معاون خصوصی فردوس عاشق  نے اسلام آباد میں وزیرخارجہ شاہ محمود کے ہمراہ پریس کانفرنس کرتے ہوئے کہا کہ بہاولپور میں وزیراعلی سیکرٹریٹ کا قیام تحریک انصاف حکومت کا جنوبی پنجاب صوبہ کی طرف پہلا قدم ہے۔ بہاولپور کے لئے ایڈیشنل چیف سیکرٹری اورایڈیشنل آئی جی تعینات کیے جائیں گے۔

انہوں نے کہا کہ وزیراعظم جنوبی پنجاب کےعوام کی محرومیاں دور کرنا چاہتے ہیں، جس پر عملدرآمد کیلئے وزیراعظم نے جنوبی پنجاب کی لیڈرشپ سے آج طویل مشاورت کی اور عوام سے وعدوں کی تکمیل کا جائزہ لیا گیا۔جنوبی پنجاب کی لیڈر شپ نے اپنی رائے سے وزیراعظم کو آگاہ کیا جس کے بعد بہاولپور میں سیکرٹریٹ قائم کرنے کا فیصلہ کیا گیا۔

اس موقع پر شاہ محمود قریشی کا کہنا تھا وزیراعظم کی زیر صدارت اجلاس میں وزیراعلیٰ پنجاب بھی شریک تھے، جنوبی پنجاب کو صوبہ بنانے کیلئے اسمبلی میں بل پیش کیا جائےگا، بل پر دیگر سیاسی جماعتوں سے مشاورت اور تائید حاصل کی جائےگی۔

شاہ محمود نے کہا کہ جنوبی پنجاب کی محرومیوں کو ختم ہونا چاہیے، آبادی کے تناسب سے 35 فیصد فنڈ جنوبی پنجاب کیلئےمختص کریں گے، ماضی میں وعدے کے مطابق جنوبی پنجاب کو فنڈز نہیں ملا کرتے تھے، جنوبی پنجاب کےعوام کیلئے سیکریٹریٹ کا فیصلہ ہوا ہے، اپریل میں ایڈیشنل چیف سیکریٹری، ایڈیشنل آئی جی جنوبی پنجاب تعینات کیا جائے گا۔ دونوں میں سے ایک افسر بہاولپور اور دوسرا ملتان میں موجود ہو گا، سیکریٹریٹ کیلئے ساڑھے 3ارب روپے درکار ہوں گے۔

وزیرخارجہ نے مزید بتایا کہ جنوبی پنجاب سیکریٹریٹ کیلئے ایک آئی جی بھی ہوگا، جنوبی پنجاب سیکریٹریٹ کیلئے 1350 پوسٹیں بنیں گی، سیکریٹریٹ کیلئے منصوبے کو آج حتمی شکل دی گئی ہے۔